काठमाडौं । सोमबार सेयर बजारमा सामान्य सुधार आएको छ । पछिल्लो समय उठ्न नसकेको सेयर बजार साताको दोस्रो दिन भने दुई अंकले उकालो लागेको हो ।
कारोबार सुरू भएको केही समयपछि सामान्य घटेको बजार करिब १ बजेदेखि पौने घन्टा सुधार आएर वृद्धि आत्मसात गरेको हो ।
यसदिन धितोपत्र बजारमा सेयर कारोबार मापन गर्ने नेप्से परिसूचक २ दशमलव ६३ अंकले बढेर १ हजार २ सय ६० दशमलव ९ अंकमा कायम भो । नेप्से बढेको दिन सेन्सिटिभ इन्डेक्स पनि ० दशमलव २९ अंकले बढ्यो । यसअघि आइतबार बजार ११ दशमलव ३६ अंकले घटेको थियो ।
नेप्से घट्दा सोमबार कारोबार रकम पनि घटेको छ । यस दिन १ सय ७३ कम्पनीका १३ लाख ७३ हजार १ सय २० कित्ता सेयर ४० करोड ३५ लाख ३८ हजार रुपैयाँमा कारोबार भएका छन् । आइतबार बजारमा ४७ करोडको सेयर किनबेच भएको थियो ।