एजेन्सी । इङ्लिस प्रिमियर लिग क्लब म्यान्चेस्टर युनाइटेडका पूर्वखेलाडी रियो फर्डिनान्डले आफू युनाइटेडको लागि निर्देशक बन्न तयार रहेको बताएका छन् । यसका लागि उनले युनाइटेडका कार्यकारी उपाध्यक्ष एड वुडवार्डसित कुरा गरेको पनि बताए ।
युनाइटेडले आफ्नो भविश्यलाई परिर्वतन गर्नका लागि लागि लामो समयदेखि नै राम्रो निर्देशकको खोजीमा छ । “मैले क्लब छाडे पनि वुडवार्डसित म सधैं कुरा गर्छु । मेरो उनीसँग राम्रो सम्बन्ध छ । हाम्रो भेटेर कुरा भएको छैन, फोनमा मात्र भएको छ, जब म लण्डनमा हुन्छु । तब म उनलाई भेट्न जानेछु”, उनले भने,“म्यानचेस्टर युनाइटेडजस्तो राम्रो क्लबमा निर्देशक जस्तो गरिमामय पदमा रहेर काम गर्न पाउनु मेरो लागि राम्रो कुरा हो । तर, उनीहको निर्णयमा भर पर्ने कुरा हो यो ।”
४० वर्षीय रियो फर्डिनान्ड युनाइटेडमा सन् २००२ देखि २०१४ सम्म खेलेका थिए । सन् २०१४ मै क्वीन्स पार्क रेन्जर्स नामक प्रिमियर लिग क्लबमा एक वर्षको लागि आवद्ध भएका थिए ।