काठमाडौं । काठमाडौंमा जारी प्रधानसेनापति चौथो राष्ट्रिय पुरुष भलिबलमा विभागीय क्लब एपिएफ लगातार दोस्रो खेलमा विजयी भएको छ । सुदूरपश्चिम प्रदेशमाथि ३–० को सोझो सेटमा जित निकाल्दै एपिएफ लगतार दोस्रो खेलमा विजयी भएको हो । लगनखेलस्थित आर्मीको कर्भडहलमा पहिलो सेट २५–८ ले जितेको एपिएफले दोस्रो सेट २५–१७ ले जितेको थियो । 

निर्णायक तेस्रो सेटमा पनि एपिएफ  २५–१७ को जित निकाल्न सफल भएको हो । यसअघि सोमबार एपीएफले प्रदेश २ माथि सोझो सेटको जित निकालेको थियो । ७ प्रदेशका टोली ३ विभागीय क्लब सहभागि प्रतियोगिताको विजेताले ३ लाख रुपैयाँ पुरस्कार पाउनेछ । 

उपविजेता टोलीले १ लाख ५० हजार तथा तेस्रो हुने टोलीले ७५ हजार रुपैयाँ पुरस्कार पाउनेछ ।