काठमाडौं । एअर डाइनेस्टिले नयाँ हेलिकोप्टर खरिद गरेको छ । कम्पनीले एअरबसको विश्वविख्यात हेलिकप्टर एएस ३५० बी३ई (एच १२५) खरीद गरेको हो । डाइनेस्टिले खरिद गरेको नयाँ हेलिकोप्टर नेपालमै रिएसेम्बल हुनेछ । कम्पनीले ९एन एएनए कलसाइन भएको सिरियल नं. ८४४५ हेलिकोप्टर खरीद गरेको हो । नयाँ एअरक्र्याफ्ट फ्रान्समा बनेको हो । हेलिकोप्टरले हालसम्म १० घन्टा परीक्षण उडान भरेको छ ।

कम्पनीका अनुसार नयाँ हेलिकोप्टर ल्याएसँगै कम्पनीले सबैभन्दा नयाँ प्रविधिमा आधारित हेलिकोप्टरबाट विश्वसनीय सेवा दिने कम्पनीको योजना भएको बताए । एकल इन्जिन भएको यो सबैभन्दा शक्तिशाली हेलिकोप्टर रहेको र यससँगै कसैको तुलना गर्न नसकिने कम्पनीको दाबी छ । कम्पनीले भिजिट नेपाल २०२० मा सघाउन पुग्ने गरि नयाँ हेलिकोप्टर खरिद गरेको दाबी गरेको छ ।

डाइनेस्टिले २.७ मिलियन डलर (करिब २७ करोड रुपैयाँ)मा हेलिकप्टर खरिद गरेको हो ।

नयाँ हेलिकोप्टर २३ हजार फिटसम्म सहज उडान गर्ने क्षमता राख्दछ । हेलिकोप्टरमा सेमिग्लास ककपिट छ ।  डाइनेस्टिसँग अहिले ४ वटा हेलिकोप्टर छन् ।