काठमाडौं । नेपाली कांग्रेसका प्रवक्ता विश्वप्रकाश शर्माले गृहमन्त्री रामबहादुर थापा बादलमाथि प्रश्‍न उठाएका छन् । नेपाल प्रेस युनियनको २८ औं  स्थापना दिवसको अवसरमा आयोजित कार्यक्रममा बोल्दै प्रवक्ता शर्माले प्रश्‍न गरे, "प्रधानमन्त्री ज्यू ! बादल तपाईंका गृहमन्त्री हुन कि विप्लवका प्रचारक ?" 

प्रवक्ता शर्माले प्रधानमन्त्री केपी शर्मा ओलीलाई यस विषयमा गम्भीर हुन आग्रह गरेका छन् । उनले भने, " आज बालुवाटरमा सुत्नु अघि एकपटक सोच्नुस् विप्लव र बादल कुनै बेला काँधमा-काँध जोडेर हिँडेका हुन् । विप्लवहरुको रगत चढाएर लोकतन्त्र बलियो हुँदैन लोकतन्त्र बलियो हुँदैन ।"

नेपाली कांग्रेसले पहाड जत्रो माओवादीलाइ संसदमा ल्याएको स्मरण गराउँदै भने, "ओलीले विप्लवलाई शान्ति प्रक्रियामा ल्याउन सक्छन् कि नै हेर्न बाँकी छ । विप्लवले प्रचण्डलाई मार्ने लिस्ट बनाए भन्ने भ्रमबाट मुक्त हुनुस् ।"

प्रेस स्वतन्त्रता कसैको कृपाले प्राप्त नभएको भन्दै प्रवक्ताले शर्माले यसका लागि पत्रकारले रगत बगाएका बताए । उनले भने, "सरकारले प्रेस स्वतन्त्रता कुण्ठित नगरोस । नेकपामा यतिबेला शास्त्रीय भडकाउ छ । त्यसैले उ निरंकुशतातर्फ उन्मुख भएको हो । हरेक क्षेत्रमा नियन्त्रण गर्न खोजिरहेको छ । जुन नेपाली कांग्रेसलाई स्वीकार्य हुँदैन ।