विस्फोटको अनुसन्धान गर्दैछौं, विप्लवतर्फ अनुसन्धान केन्द्रित छ : प्रहरी प्रवक्ता

देश

राजधानीका दुई स्थानमा विस्फोट

बाह्रखरी आइतबार, जेठ १२, २०७६

विस्फोटको अनुसन्धान गर्दैछौं, विप्लवतर्फ अनुसन्धान केन्द्रित छ : प्रहरी प्रवक्ता

काठमाडौं । काठमाडौंको सुकेधारामा भएको विस्फोटमा परेर तीन जनाको मृत्यु भएको छ । सुकेधारमा दुईजना र घट्टेकुलोमा एक जनाको ज्यान गएको छ । महानगरीय प्रहरी परिसर काठमाडौंका एसपी अशोक सिहंले घट्टेकुलोमा वम विष्फोट भएको हुनसक्ने बताए ।

घट्टेकुलोमा घाइते हुनेमा विप्लव समूहका विद्यार्थी नेता रविन सिहं छन् ।

महानगरीय प्रहरी परिसर काठमाडौँका प्रवक्ता होबिन्द्र बोगटीले सुकेधारास्थित ढलाने पुलन जिकै विस्फोट भएको बताए । बुढानिलकण्ठ नगरपालिका-४ स्थित एक सैलुनमा विस्फोट भएको प्रहरीले जानकारी दिएको छ ।

प्रहरी प्रवक्ता विश्वराजपोखरेलले घटनाको अनुसन्धान गरिरहेको बताए । उनले विप्लवतर्फ पनि अनुसन्धान केन्द्रित गरिएको बताए । वम विष्फोट हो कि सिलिण्डर हो भन्ने यकिन भइनसकेको उनले बताए । पोखरेलले आफ्नो घोषणा गरिएको बन्दलाई सफल पार्नका लागि विप्लव समूहले योजना बनाएको हुनसक्ने बताए । राजधानीको सुरक्षा व्यवस्थामा प्रहरी सक्रिय भएको उनले बताए ।