काठमाडौं । राजु रिजाल र कप्तान बिनोद भण्डारीले उत्कृष्ट प्रदर्शन गरेपछि विभागीय क्लब त्रिभुवन आर्मीले प्रधानमन्त्री कप एकदिवसीय क्रिकेटमा विजय सुरुआत गरेको छ । 

उद्घाटन खेलमा प्रदेश नम्बर २ माथि १ सय ७१ रनको फराकिलो नतिजा निकाल्दै आर्मीले विजय सुरुआत गरेको हो । आर्मीको सुखद नतिजामा राजु र बिनोदले अर्धशतक बनाए । 
२ सय ७९ रनको लक्ष्य पछ्याएको प्रदेश नम्बर २ ३१ दशमलव ४ ओभरमा १ सय ७ रनमा अलआउट भएपछि आर्मीले सहज जित निकालेको हो । 

प्रदेश दुईका लागि हरीशंकर साहले सर्वाधिक २१ रन बनाउनु बाहेक अन्य खेलाडीको प्रदर्शन सम्झनलायक रहेन् ।  सम्शाद शेखले  १६ रन बनाउँदा सुधिर चौधरीले १५,कन्चन कार्कीले ९, बिशाल सुलिङले ४, कप्तान मेहबुब अलामले ५ रनमात्र जोडे । आर्मीका शाहब आलमले ४ विकेट लिए । सुसन भारीले ३ ,जितेन्द्र मुखियाले २ तथा  कुशल मल्लको नाममा १ विकेट रह्यो । 

यसअघि पहिला ब्याटिङ गरेको आर्मीले निर्धारित ५० ओभरमा ९ विकेटको क्षतिमा २ सय ७८ रन बनाएको थियो । आर्मीलाई बिशाल लक्ष्यमा पुयाउन राजु रिजालले ९० रन बनाएका थिए । १ सय ५ बल सामना गरेका राजुले ५ चौका र २ छक्का प्रहार गरे । 

कप्तान बिनोद भण्डारीले ६६ रन बनाए । ६१ बल खेलेका बिनोदले ९ चौका प्रहार गरे । रोहित पौडेलले ४७ रनको योगदान दिए । हरी चौहानले २६ रन बनाउँदा करण केसी ११ रनमा पभेलियन फर्किए । राजेश पुलामीमगरले ८, भिम सार्कीले ६, कुशल मल्लले ३ रन बनाए । सुसन भारी १२ रनमा अबिजित रहे । प्रदेश २ का लागि हरीशंकर शाहले ३ विकेट लिएका थिए । विवेक यादब,बिशाल सुलिङ र सम्शाद शेख र रासिख खानले १–१ विकेट लिएका थिए । 

प्रतियोगिता अन्तगर्त भोली प्रदेश नम्बर ३ र विभागिय क्लब एपिएफबीच प्रतिस्पर्धा हुनेछ।  प्रतियोगितामा ७ प्रदेश र ३ विभागिय टोली गरी १० टोली सहभागी छन् ।