काठमाडौं । साताको अन्तिम दिन बिहिबार नेप्से परिसूचक ५.०८ अंकले घटेको छ । नेपसे घटे पनि सेयर बजारमा उत्साह भने कम भएको छैन् ।
बिहीबार बजारमा ९३ करोड २६ लाख ४४ हजार ८ सय ८७ रुपैयाँको सेयर किनबेच भएका छन् । यसबीच १ सय ७० कम्पनीका २९ लाख ४३ हजार ३ सय ४ कित्ता सेयर कारोबार भएका छन् ।
नेप्से घटेको दिन कारोबारमा आएका १२ समूहगत उपसूचकमध्य पाँच समूह उकालो लागेका छन् भने बाँकी सबै सात समूह ओरालो लागेका छन् । बिहीबार होटल समूह सर्वाधिक ३५.८३ अंकले उकालो लागेको छ भने हाइड्रो पावर सर्वाधिक ६४.७८ अंकले ओरालो लाग्यो ।
साताको अन्तिम दिन बजारमा आएका सबै कम्पनीहरु मध्य अप्पर तामाकोशि हाइड्रो पावरको कारोबार सबैभन्दा धेरै भयो । कम्पनीको सेयर १५ करोड ५९ लाख ६४ हजार ८ सय ४८ रुपैयाँमा कारोबार भयो ।
यस दिन एनएमबी माइक्रो फाइनान्स वित्तीय संस्थानका लगानीकर्ताले सबभन्दा धेरै कमाए । संस्थानको सेयर ९.९५ प्रतिशत कायम भएको छ भने हिमालय उर्जा विकास कम्पनीका लगानीकर्ताले सर्वाधिक ९.७२ प्रतिशत गूमाए ।