काठमाडौं । हिमालयन बैंकले जनकपुरको जनकपुरधाम उपमहानगरपालीका-१ स्टेशनरोडमा ५८ औँ शाखा विस्तार गरेको छ ।
शाखा उद्घाटन प्रदेश नं २ का मुख्यमन्त्री लालबाबु रावतले गरे । उद्घाटन कार्यक्रममा मुख्यमन्त्री रावतले शाखा कार्यालयमार्फत बैंकले अत्याधुनिक बैंकिंङ सेवा सुविधाका अतिरिक्त स्थानीय सीप र स्रोतको परिचालनमा बैंकले जिल्लाबासीलाई सहयोग पुर्याउने र उत्पादनशील व्यवसायमा संलग्न स्थानीय व्यक्तिलाई आफ्नो व्यवसायको वृद्धिमा वित्तीय सहयोग गर्ने विश्वास व्यक्त गरे ।
बैंकका सञ्चालक समितिका अध्यक्ष मनोजबहादुर श्रेष्ठले उद्यम तथा व्यवसायिक लगानीका लागि धनुषा जिल्लामा राम्रो सम्भावना रहेको बताउँदै बैंकको साना तथा मझौला उद्यमी कर्जा कार्यक्रमद्धारा आफ्नो व्यवसायलाई बढाउन जिल्लाबासीको क्रियाशील सहयोग र साथको अपेक्षा रहेको बताए ।