राजनीति
काठमाडौं । प्रहरीले भोजपुरमा नेत्रविक्रम चन्द ‘विप्लव’ नेतृत्वको नेकपाका एक कार्यकर्तामाथि गोली प्रहार गरेको छ । गोली प्रहारबाट विप्लव समूहका जिल्लास्तरीय नेता तिर्थराज घिमिरे घाइते भएका छन् ।
उनको खुट्टामा गोली लागेको र उपचारका लागि अस्पताल लगिएको प्रहरी स्रोतले बतायो । एक प्रहरी अधिकरीका अनुसार पक्राउ गर्न खोज्दा घिमिरेले प्रहरीको गस्ती टोलीमाथि गोली प्रहार गरेपछि प्रहरीले प्रतिरक्षाका लागि गोली चलाएको हो । सरकारले विप्लव समूहमाथि प्रतिबन्ध लगाएपछि देशभरबाट नेता–कार्यकर्ता समातिने क्रम जारी छ ।
प्रकाशित मिति: मंगलबार, जेठ ७, २०७६ १७:०५
प्रतिक्रिया दिनुहोस्