काठमाडौं । राप्रपाका अध्यक्ष कमल थापाले परराष्ट्र मन्त्रालयको सचिव जुनसुकै सेवाबाट जानसक्ने गरि सरकारले पेस गरेको विधेयक अनुपयुक्त र गलत भएको बताएका छन् ।

पूर्वपरराष्ट्रमन्त्री समेत रहिसकेका थापाले मंगलबार बिहान ट्विट गर्दै भनेका छन्,‘‘परराष्ट्र मन्त्रालयको सचिव जुनसुकै सेवाबाट जानसक्ने गरी सरकारले पेश गरेको विधेयक अनुपयुक्त र गलत छ । यसले परराष्ट्र सेवाको व्यवसायिक क्षमतामा ह्रास आउने र कुटनीतिक सम्बन्ध कमजोर बनाउने छ । अन्तर्राष्ट्रिय सम्बन्धको महत्व बुझेका प्रम केपी ओलीले पक्कैपनि यसलाई सच्याउने विश्वास गर्दछु ।’’