काठमाडौं । उच्च शिक्षालय तथा माध्यमिक विद्यालय संघ नेपाल, ९ज्क्ष्क्क्ब्ल्० र कान्तिपुर पब्लिकेसन्स प्रालीको संयुक्त आयोजनामा “उत्कृष्ट शिक्षा नेपालमै” भन्ने नाराका साथ यही जेठ ९ गते देखि १२ गतेसम्म भृकुटीमण्डप, प्रर्दशनीहलमा बृहत् शैक्षिक मेला “छैठौं कान्तिपुर हिसान एडुफेयर –२०१९” हुने भएको छ ।

नेपालमै सञ्चालित शिक्षालयहरुले दिने गुणस्तरीय तथा उत्कृष्ट शिक्षाका बारेमा सत्य, तथ्य र यथार्थ जानकारी गराउने र विद्यार्थी तथा अभिभावकहरुलाई नेपालमै पनि उत्कृष्ट शिक्षा पाइन्छ भन्ने बिषयमा विविध परामर्श दिने उद्देश्यले विगत ६ वर्षदेखिे शैक्षिक मेला आयोजना गरिँदै आएको छ । 

नेपालमा संचालित शिक्षालयहरुले दिने गुणस्तरीय र उत्कृष्ट शिक्षाका बारेमा उचित जानकारी एवं परामर्श नहुँदा, कुन विषय किन पढ्ने, विषयको छनोट कसरी गर्ने भन्ने कुरामा अन्योलता हुने र कतिपय विद्यार्थी तथा अभिभावकहरुको विदेश मोहका कारणले शिक्षा प्राप्तकै लागि ठूलो धनराशि विदेशिएको वर्तमान समयमा यस्ता समस्याबाट मुक्त हुन र ठुलो धनराशि विदेश जानबाट जोगाउन तथा विद्यार्थी, अभिभावक र शिक्षा क्षेत्रसँग सम्बन्धित ब्यक्तिहरुलाई  एकै छानामुनि गुणस्तरीय शिक्षाका बारेमा विस्तृत जानकारी दिने उद्देश्यले शैक्षिक मेला आयोजना गर्न लागिएको आयोजकले जनाएको छ ।