बीबीसी । उत्तर प्रदेश मन्त्रिमण्डलबाट ओमप्रकाश राजभरलाई राज्यपालले बर्खास्त गरेका छन् । लोकसभा चुनावको परिणाम आउनु अगावै उत्तर प्रदेशका मुख्यमन्त्री योगी आदित्यनाथले ओमप्रकाश राजभरलाई मन्त्रिमण्डलबाट बर्खास्त गर्न राज्यपाललाई सिफारिस गरेका थिए ।
राजभर योगी सरकारमा पिछडा वर्ग कल्याण–दिव्याङ्ग जनकल्याण मन्त्री हुन् । पछिल्लो केही समयबाट उनी सत्तारुढ भारतीय जनता पार्टी (भाजपा) र मुख्यमन्त्री योगी आदित्यनाथविरुद्ध खुलेर विरोध गर्दै आएका थिए । राजभरले लोकसभा चुनाव अगावै पदबाट राजीनामा दिए पनि स्वीकृत गरिएको थिएन ।
राजभरको सुहेलदेव समाज पार्टीले भाजपासँग मिलेर विधानसभा चुनाव लडेको थियो । चुनावमा उक्त पार्टीका चार जना विधायक निर्वाचित भएका थिए । राजभर योगी सरकार गठन भएको एक वर्ष पूरा भएको अवसरमा आयोजित समारोहमा पनि उपस्थित थिएनन् ।