काठमाडौं । अमेरिकाको न्यूयोर्कमा रहेर नेपाली साहित्यमा सक्रिय कविहरूका कविताको संयुक्त संग्रह प्रकाशित गरेका छन् । व्याकुल पाठक र किशन सिंह धामीले सम्पादन गरेका ‘न्यूयोर्कका नेपाली कवि र कविता’ कृतिको विमोचन न्यूयोर्कको प्रसिद्ध ज्याक्सन हाइट्समा आयोजित एक समारोहमा कविहरूद्वारा आमन्त्रित अतिथिद्वारा संयुक्त रूपमा गरिएको पत्रकार समेत रहेका पाठकले न्यूयोर्कबाट जनाएका छन् ।
अतिथिहरू देवी श्रेष्ठ, प्रमिला ढकाल, किरण काफ्ले, आज्ञा शर्मा, दुर्लव मगर, सिर्जना श्रेष्ठ, एलिना वस्ती, अरुण विश्वनाथ, कृष्ण विष्ट, बद्री पौड्याल, संगीता मुखिया कृष्ण पोखरेल, कमला पौडेल, सूर्य घिमिरे, रीता सुवेदी, कल्पना पाठक, कविन विक्रम शाह, मेनुका रोका, तारा धामी, सुनीति रिजाल, विश्व थापा, भीम पन्थ, अस्मिता महर्जन, माधवी विष्ट, अस्मिता पाण्डेले कविता संग्रहको संयुक्त रुपमा विमोचन गरेका थिए ।
संग्रहमा समाविष्ट कविहरूमध्ये अधिकांश कार्यक्रममा उपस्थित थिए र उनीहरूले कविता वाचन गरेका थिए । कार्यक्रममा कविहरू ज्योतिकुमार श्रेष्ठ, पुष्कर बराल, पुनम काफ्ले, शकुन ज्ञवाली, राजेन्द्र श्रेष्ठ, पद्मा लिंखा मगर, आनन्द श्रेष्ठ, पुष्पा अधिकारी गौतम, कमला प्रसाईं, लक्ष्मी श्रेष्ठ, जानुका वस्ती ढकाल, र राजु विजया सिंखडाले कविता वाचन गरेका थिए । यसैगरी विकास विष्ट, ज्योति पौडेल, विष्णु सिंह वैजु, विष्णु पौड्याल, शान्ता अधिकारी घिमिरे, कृसु क्षेत्री, गीता खत्री, व्याकुल पाठक, विनोद रोका, किशन सिंह धामी, संगीता उप्रेती रिजाल, नदिया लिवाङ, राजन महर्जन, हन्सराज जोशी, डा. गोविन्द कोइराला, डा. मधु माधुर्य, आङछिरिङ शेर्पा, डा. तारा निरौला, रश्मि भट्ट, परिता राजभण्डारी, अच्युत सिग्देल, पुष्पराज उपाध्यायले पनि कविता वाचन गरेका थिए ।
न्यूयोर्कस्थित नेपाली महावाणिज्य दूतावासका कार्यवाहक महावाणिज्यदूत पुष्पराज भट्टराईले न्यूयोर्कलाई कर्मथलो बनाएर बसिरहेका नेपाली कविहरूको संयुक्त संग्रह नेपाली साहित्यमा एउटा महत्वपूर्ण उपलब्धि भएको बताउँदै यस्ता गतिविधिले डायस्पोरामा नेपालीहरूको बौद्धिक उपस्थिति उजागर हुने धारणा राखेका थिए ।
तारा–किशन फाउन्डेसनद्वारा आयोजित कार्यक्रममा न्यूयोर्क नियोगमा आफ्नो चार वर्षे कार्यकाल सकेर स्वदेश फर्किन लागेका वाणिज्यदूत तथा कवि कृसु क्षेत्रीलाई न्यूयोर्कका नेपाली कविहरूका तर्फबाट संयुक्त रूपमा अभिनन्दन गरिएको थियो ।
कार्यक्रमका आयोजक तथा विमोचित पुस्तकका एकजना सम्पादक किशन सिंह धामीले मुलुकबाहिर रहेर सिर्जना गरिरहेका कविहरूको सिर्जना पनि स्तरीय रहेको तर त्यसलाई ‘डायस्पोरा’ अन्तर्गत राखेर किनारामा पार्न खोजिएको धारणा राखे । उनले विमोचित पुस्तकमा समावेश ४७ जना कविका कविताहरू मूलप्रवाहका कविताभन्दा कुनै कम नभएको दाबी गरे ।
