काठमाडौं । दिपक आचार्यको टिमले सूर्य नेपाल प्रिमियर गल्फ च्याम्पियनसिप अन्तर्गत प्रो-एएमको उपाधि जितेको छ । शुक्रबार गोकर्ण गल्फ क्लबमा भएको खेलमा दिपकको टोलीले कुल १ सय ६६ अंक ल्याउँदै जित हात पारेको हो ।
टोलीको जितका लागि दिपकले ३६ स्कोर बनाए । त्यस्तै सहदेव आचार्यले प्रतियोगिताको सबैभन्दा धेरै ४५ स्कोर बनाउन सफल भए । टिमका लागि हर्सिद कुमार सिंहले ४३ स्कोर बनाउँदा कैलेस शेर्पाले ३९ स्कोर बनाए ।
यता सचिन भट्टराईको टोलीले १ सय ४९ स्कोर बनाउँदै दोस्रो हुन सफल भयो । टिमका लागि सचिन र कम्मिर शाहले समान ३८-३८ स्कोर बनाउँदा टेन्डी शेर्पाले र रविन्द्र तिवारीले ३६ स्कोर बनाए ।
त्यस्तै कुल १ सय ४१ स्कोर सहित टासि घलेको टोली तेस्रो हुन सफल भयो । टिमका लागि घलेले ३८, भरत बास्कोटीले ३५, मदन राना र हेमन्त थापाले समान ३४-३४ स्कोर बनाए ।
करिस्मा शाहले प्रतियोगितामा सबै भन्दा धेरै स्कोर बनाउने महिलाको उपाधि हात पारिन् । उनले ३८ स्कोर गरेकी थिइन् ।
