वाशिङटन । अमेरिकी राष्ट्रपति डोनाल्ड ट्रम्पले नयाँ अमेरिकी अध्यागमन नीति प्रस्ताव गरेका छन् । उनले बिहीबार ह्वाइट हाउसमा सम्बोधन गर्दै अब अमेरिका  कम उमेरका , बढी शिक्षित र अंग्रेजी बोल्ने कामदारको पक्षमा रहेको बताएका छन् ।  उनले अहिलेको व्यवस्थाबाट टाढा गएर अमेरिकाले नयाँ नीति र प्रणाली ल्याउने बताए । उनले सीमा सुरक्षालाई कडाइ गरिने र आश्रय लिन खोज्नेहरुलाई कडा नियम ल्याइने समेत जनाएका छन् । 

उता विपक्षी डेमोक्र्याट पार्टीका नेताले राष्ट्रपतिको सो प्रस्तावमा आलोचना गरेका छन् ।   उनीहरुले हजारौ मानिस बच्चाको अवस्थामा अमेरिका ल्याइएको र उनीहरुलाई अहिले सम्म अमेरिकामा रहने कानुनी अधिकार नभएको जनाएका छन् ।   ट्रम्पले सीपको आधारमा कामदार भित्र्याउने प्रयास गर्ने जनाए । सीपयुक्त कामदार अब १२ प्रतिशतबाट ५७ प्रतिशत पुर्याइने समेत उनले जनाए । उनले आप्रवासी आउँदा अंग्रेजी सिक्नुपर्ने जरुरी रहेको र प्रवेश गर्नुअघि परीक्षा समेत पास हुनुपर्ने जनाएका छन् ।  (बीबीसी)