दाङ । नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीका रोल्पा इन्चार्ज जयप्रकाश रोका ‘प्रताप’सहित तीन जना पक्राउ परेका छन् ।

रोल्पाको लुङ्ग्री गाउँपालिका वडा ५ बाट उनीहरुलाई प्रहरीले पक्राउ गरेको हो । दिउँसो साढे १ बजेतिर थबाङ्ग घर भएका जयप्रकाश रोका ‘प्रताप’,जिल्ला सदस्य धाबहादुर खत्री ‘टाइगर’ र भुपेन्द्र खड्कालाई एकैठाउँबाट प्रहरीले गिरफ्तार गरेको नेकपा राप्ती ब्यूरोले जनाएको छ । ब्यूरो इञ्चार्ज सुवासले पक्राउ गरिएका नेता कार्यकर्ता रिहा गर्न माग गरेका छन ।