काठमाडौं । नेपाली कांग्रेसको भ्रातृ संगठन नेपाल विद्यार्थी संघ (नेविसंघ) मकाउ शाखाले स्याङ्जाको पुतलीबजारका मिर्गौला पीडित राजेन्द्रकुमार कार्कीलाई आर्थिक सहयोग गरेको छ । नेविसंघको मकाउ शाखाले पुतली बजार नगरपालिका–५ पौवे गौडेका ५६ वर्षिय कार्कीलाई ६० हजार रुपैयाँ सहयोग गरेको हो । 

मकाउबाट पठाइएको उक्त सहयोग रकम कांग्रेसका युवा नेता प्रदीप पौडेलले कार्कीलाई हस्तान्तरण गरेका छन् । कार्की वनस्थलीस्थित राष्ट्रिय मिर्गाैला उपचार केन्द्रमा उपचाररत छन् । डाईलसिस गर्दै आएका कार्कीको मिर्गौला प्रत्यारोपणका लागि १० देखि १५ लाख रुपैयाँ लाग्ने बताइएको छ ।