काठमाडौं । एएफसी कपअन्तर्गत भारतीय आई लिग विजेता क्लब मिनर्वा पन्जाबले बुधबार दोस्रो अवे खेलमा नेपालको लिग च्यम्पियन मनाङ मर्स्याङ्दीविरुद्ध खेल्दैछ । दुबै टोलीबीचको खेल बुधबार अपरान्ह ३:०० बजेबाट सुरु हुँदैछ ।
खेलअघि मंगलबार प्रि-म्याच कन्फरेन्समा बोल्दै पन्जाबका मुख्य प्रशिक्षक सचिन तनाजी बडाढेले घरेलु टोली मनाङविरुद्ध उत्कृष्ट प्रदर्शन गर्दै ३ अंक जोड्ने लक्ष्य भएको बताए । “अवे खेल भए पनि हामी हतासिएका छैनौँ । घेलु मैदानमा भएको प्रदर्शनभन्दा उत्कृष्ट बन्दै अंक बटुल्ने हाम्रो योजना छ”, बडालले भने ।
पन्जाबले घरेलु मैदानमा भएको खेलमा मनाङसँग २-२ गोलको बराबरी खेलेको थियो । साथै उनले अघिल्लो चरणमा बलियो सम्भावना बनाउनको लागि अझै उत्कृष्ट बन्नुपर्ने बताए ।
त्यस्तै पन्जाबका कप्तान ओमालाजा नुरेन करिमले मनाङलाई हराउँदै ३ अंक बटुल्ने योजना रहेको बताए । “खेलको हिसाबले दुबै टोली बराबर छौँ । तर, मनाङविरुद्ध अंक खोस्ने हाम्रो लक्ष्य छ । खेल हो के हुन्छ नतिजानै कुर्ने छौँ”, ओमालाजाले भने ।