एजेन्सी । इन्डियन प्रिमिएर लिग (आईपीएल) क्रिकेटमा कोलकाता नाइट राइडर्सका शुभमन गिल इमर्जिङ प्लेयरको अवार्ड जित्न सफल भएका छन् । मनोनयनमा परेका विभिन्न खेलाडीलाई पछि पार्दै शुभमन अवार्ड जित्न सफल भएका हुन् ।
सकर्थकको भोट र क्रिकेट कमेन्टेटरको मूल्याङ्कनका आधारमा प्रदान गरिएको अवार्डका लागि नेपालका सन्दीप लामिछाने, पृथ्वी शा, मोहमद सिराज, राहुल चहारलगायतका खेलाडी मनोनयनमा परेका थिए । भोट धेरै पाउने शीर्ष स्थानमा सन्दीप रहेपनि टिभी कमेन्टेटरको नजरमा भने अटाएनन् ।
इमर्जिङ प्लेयर बनेसँगै शुभमनले १० लाख भारु पुरस्कार पाएका छन् । २०१८ मा भारतले यु–१९ विश्वकप जित्दा शुभमन महत्वपूर्ण सदस्य थिए । न्युजिल्याण्डलाई ८ विकेटले पराजित गर्दै भारतले चौथौपटक उपाधि जित्दा गिलले ३१ रन बनाएका थिए ।
गत सिजनबाट आईपीएल टोली कोलकाता नाइट राइडर्समा आबद्ध गिल यो सिजनमा उत्कृष्ट प्रदर्शन गर्न सफल भए । कोलकाताले १४ खेल खेल्दा १० खेलमा मौका पाएका गिलले ३ अर्धशतक बनाए ।
सन् १९९९ मा पन्जाबमा जन्मिएका १९ वर्षिय गिलले हालै एकदिवसीय अन्तरराष्ट्रिय खेल खेल्ने मौका पनि पाएका थिए ।