काठमाडौं । समयमै सडक कालोपत्रे नभएको विरोधमा ललितपुर चापागाउँका स्थानीयले सडकमा प्रदर्शन गरेका छन् । विरोध प्रदर्शन गर्दै स्थानीयबासीले त्यहाँको पउली, बुलु, बज्रबाराही र चापागाउँ जाने सडक अवरुद्ध गरेका छन् ।
कन्टेक निर्माण कम्पनीले ०७२ सालमा उक्त सडक खण्ड मर्मर र विस्तारको जिम्मा लिएको थियो । १ वर्षमै काम सम्पन्न गर्ने कम्पनी र उपत्यका सडक विस्तार आयोजना कार्यालयबीच सहमति भए पनि ४ वर्ष बितिसक्दा पनि काम सम्पन्न नभएपछि स्थानीयबासीले शुक्रबार बिहान ८ दखि १० बजेसम्म सडक अवरुद्ध गरेका हुन् ।
“विहान चापागाउँ बसपार्क र ठेचोमा स्थानीयबासीले सडक चाँडै कालोपत्रे गर्नुपर्ने माग राखेर विरोध प्रदर्शन गरेका हुन्,” गोदावरी नगरपालिकाका मेयर गजेन्द्र महर्जनले बताए ।