रोयटर्स । फेसकुबका सहसंस्थापक तथा मार्क जुकरवर्ग पूर्वसहपाठी क्रिस हग्सले सामाजिक सञ्जाल छोड्ने बताएका छन् । दी न्यूयोर्क टाइम्सको विचार पृष्ठमा क्रिसले यस्तो धारणा राखेका हुन् ।
"यस कम्पनीका लिडरहरुले जस्तो सुकै राम्रो सावित गर्न खोजे पनि हामी विविध परम्परा भएका एक राष्ट्रजस्तै छौं । जसमा एकाधिकार छ । मार्कको शक्ति बेलायत र अमेरिकाजस्तै अभूतपूर्व भइसकेको छ", उनले बिहीबार लेखेका छन् ।
फेसबुकले बृहत सामाजिक सञ्जाललाई समेटेको छ । जसमा विश्वभरबाट दुई अर्बभन्दा बढी प्रयोकर्ताहरु छन् । ह्वाट्सएप, म्यासेन्जर र इन्स्टाग्राम पनि फेसबुककै मातहतमा छन् । जसमा पनि प्रति एप एक अर्बभन्दा बढी प्रयोगकर्ता छन् ।
सन् २००४ मा क्रिश फेसबुकका सहसंस्थापक बनेका थिए । उनले सन् २००७ मा फेसबुक छोडेसँगै लिङ्गइनमा लागेका थिए ।
"म फेसबुकको सहसंस्थापक भएको १५ वर्ष बितिसकेको छ । मैले दशकदेखि कम्पनीमा निरन्तर काम गर्न सकेको छैन । तर, मैले आवेग र जिम्मेवारी बोध भएको छ", क्रिशले भनेका छन्, जो सन् २००८ को राष्ट्रपतिय निर्वाचनमा वाराक ओबामाका अनलाई योजनाकार बनेका थिए ।
