काठमाडौं । पाँचौं केएनपी राष्ट्रिय महिला भलिबल प्रतियोगितामा एपीएफले दोहोरो जित निकालेको छ । 

सोमबार भएको समुह चरणका खेलहरुमा एपीएफले पहिलो खेलमा आर्मीसँग ३–२ सेटको संघर्षपूर्ण जित निकालेको हो । 

एपीएफले आर्मीमाथि २५–१४, २२–२५, २५–२३, २०–२५ र १५–१३ जित निकाल्न सफल भएको हो । आइतबार नै भएको दोश्रो खेलमा एपीएफले जाउलाखेल भलिबल प्रशिक्षण केन्द्रलाई २५–५,२५–१२ र २५–१३ को सोझो सेटमा हराएको हो । 

जितसँगै एपीएफ समूह ए को विजेता भएको छ र सेमिफाइनल खेलमा होङगान्जी न्यृडायमण्डलाई प्रतिस्पर्धिको रुपमा पाएको छ । 

त्यस्तै समूह बीको खेलमा पुलिसले पश्चिमाञ्चललाई २५–१६,२५–८ र २५–२२ को सोझो सेटमा हराउदै समूह बिजेता बन्यो । पुलिसले अब फाइनल प्रवेशका लागि आर्मीसंग प्रतिस्पर्धा गर्ने छ ।