वाशिङटन । अमेरिकाको मासाचुसेट्सका न्यायाधीश तथा अदालतका अर्का एक अधिकृतलाई कागजात नै नभएका आप्रवासीलाई फुत्कने मौका दिएको भन्दै अभियोग लगाइएको छ । ती दुवैले कागजात नै नभएका आप्रवासीलाई अदालतको पछाडिको ढोकाबाट बाहिरिन दिएका थिए । जबकि अदालतको मुल ढोकामा अध्यागम अधिकारी उनलाई पक्रनका लागि बसिरहेका थिए ।
बोस्टन क्षेत्रका न्यायाधीश शेल्ले जोसेफ र अधिकृत वेस्ले म्याकग्रेगरलाई षडयन्त्र गरेको र न्यायलाई अवरुद्ध पार्न खोजेको भन्ने अभियोग लागेको छ । उक्त व्यक्तिलाई लागु औषधको अभियोगमा अदालतमा लगिएको थियो ।
जोस मेडिना पेरेज नामको सो व्यक्ति डोमिनिकन रिपब्लिकको नागरिक भएको स्थानीय सञ्चार माध्यमले जनाएका छन् । उनी अमेरिकाबाट सन् २००३ र २००७ मा दुई पटक डिपोट गरिएका व्यक्ति हुन् । उनलाई सन् २०२७ सम्म अमेरिका प्रवेशमा रोक लगाइएको कागजातहरुमा रेकर्ड पाइएको छ । (बीबीसी)