काठमाडौं । काठमाडौं महानगरपालिकाका प्रमुख प्रशासकीय अधिकृत यादवप्रसाद कोइराला संघीय मामिला तथा सामान्य प्रशासन मन्त्रालय तानिएका छन् । मन्त्रिपरिषद्को निर्णयअनुसार ०७४ चैत २० बाट महानगरपालिकाको उक्त पदमा कार्यरत कोइराला मन्त्रालयको सचिव पदमा सरुवा भएका हुन् ।

कोइरालाको कार्यकालअघि काठमाडौं महानगरपालिकाको प्रमुख प्रशासकीय अधिकृत सहसचिवलाई राखिने गरेको थियो । स्थानीय तह निर्वाचनपछि काठमाडौं महानगरपालिकामा कोइरालाअघि २ जना प्रमुख प्रशासकीय अधिकृतले काम गरिसकेका छन् ।