काठमाडौं । बेरूजु फर्छ्योट मापनको वर्गीकरणमा प्रहरी प्रधान कार्यालय सर्वोत्कृष्ट घोषित भएको छ । बेरूजु फर्छ्योटमा सर्वोत्कृष्ट भएको भन्दै गृह मन्त्रालयले प्रहरी महानिरीक्षक (आईजीपी) सर्वेन्द्र खनाललाई सम्मान पनि गरेको छ ।
प्रहरी प्रधान कार्यालय र अन्तर्गतका निकायहरूको बेरूजु फर्छ्योटमा सर्वोकृष्ट स्थान प्राप्त गरको भन्दै सम्मान गरिएको हो । गृहमन्त्री रामबहदुर थापाले एक कार्यक्रमबीच खनाललाई सम्मान गरेका हुन् । आर्थिक वर्ष ०७३–०७४ सम्मको बेरूजु रकममध्ये ८५ दशमलव १४ प्रतिशत प्रहरी प्रधान कार्यालयले फर्छ्योट गरेको छ ।
प्रहरी प्रधान कार्यालयले आव २०७३–०७४ सम्मको ६८ करोड ४१ लाख ७० हजारमध्ये ५८ करोड २५ लाख १८ हजार रुपैयाँ फर्छ्योट गरेको जनाएको छ । यो फर्छ्योट ८५ प्रतिशतभन्दा बढी हो । बेरुजु फर्छ्योटमा सर्वोत्कृष्ट भएको भन्दै प्रहरी प्रधान कार्यालयलाई नगद ८ हजार रुपैयाँ पनि पुरस्कार प्रदान गरिएको छ ।