विराटनगर । विराटनगरमा आगामी साउन २९ गते देखि हुने विराट फुटसल कपको तयारी अन्तिम चरणमा पुगेकोे आयोजकहरुले जनाएका छन् । यस पटक हिट एण्ड हैंग आउट फुटसल र आवर विराटनगरको संयुक्त आयोजनामा हुने टुर्नामेन्टको पहिलो संस्करण हुन लागेको हो ।

विराटनगर ६ स्थित हिट एण्ड हैंग आउट फुटसलको मैदानमा हुने टुर्नामेन्टमा विराटनगर र वरिपरिका १६ वटा फुटसल समूहको सहभागिता रहने आयोजक मध्येका आशिष अग्रवालले बताए । उनले प्रतियोगितामा प्रथम हुने टिमलाइ ट्रफि १५ हजार, दोश्रो हुनेलाई १० हजार र सर्वाधिक गोलकर्तालाइ ५ हजार प्रदान गरिने जानकारी दिए । उनले विश्व भरि नै प्रख्यात भइरहेको आधुनिक खेल प्रविधि सहित खेलाइने फुटसलको क्रेज विराटनगरमा पनि बढ्दै गरेको अवस्थामा यस क्रममा अझ उतसाह थप्नका लागि टुर्नामेन्ट आयोजना गरिएको जानकारी दिए  ।

नकआउट आधारमा खेलाइने खेलमा मकालु टेलिभिजन, नेपाल टेलिकम कर्मचारीहरु लगायत थुप्रै समूहहरुले रजिष्ट्रेशन गरिसकेको टुर्नामेन्ट व्यवस्थापक सरोज लम्सालले जानकारी दिए  । उनको अनुसार आगामी साउन १८ गतेसम्म मात्र थप समूहको रजिष्ट्रेशन लिइनेछ ।