अब ‘यूएन’ मिसनमा सहभागी सशस्त्र प्रहरीले पैसा तिर्न नपर्ने 

अब ‘यूएन’ मिसनमा सहभागी सशस्त्र प्रहरीले पैसा तिर्न नपर्ने 

काठमाडौं । सशस्त्र प्रहरी बलले विभिन्न मुलुकमा सयुक्त राष्ट्र संघको ‘यूएन’ मिसनमा सहभागी प्रहरी कर्मचारीबाट लिँदै आएको रकम अब नलिने भएको छ । महानिरीक्षक (आइजीपी) शैलेन्द्र खनालले यसअघि लिँइदै आएको रकम सहभागिबाट एक रुपैयाँ पनि नलिने घोषणा गरेका हुन । 

यसअघि यूएन मिसनमा सहभागी प्रत्येक सशस्त्र प्रहरीका कर्मचारीबाट सशस्त्र प्रहरी परीवार महिला संघलाई प्रतिव्याक्ति ३५ अमेरिकी डलर, पूर्व सशस्त्र प्रहरी संघलाई ३५ अमेरिकी डलर र खेलकुद शाखालाई १५० अमेरिकी डलर कटौती गर्दै आएको थियो । महानिरीक्षक खनालले भने,‘‘अब मिसनमा खटिएका कुनै पनि प्रहरी कर्मचारीको रकम कट्टा गरिने छैन् । सम्पूर्ण प्रहरी मिसनमा सहभागी कर्मचारीले नै पाउनेछन्।’’ 

हालसम्म सशस्त्र प्रहरीकोतर्फबाट तीन हजार ६ सय ३३ जना विभिन्न मिसनमा सहभागी भएको आइजीपी खनालले बताए । हाल ‘इन्डुभिजल पुलिस अफिसर’ २८ जना र ‘फोर्म्ड पुलिस युनिट’ बाट तीन सय २२ गरी तीन सय ५० जना मिसनमा सहभागी भएको खनालले जानकारी दिए ।

प्रतिकृया दिनुहोस