काठमाडौं । नयाँ वर्षको सुरुवातसँगै ग्लाबल आइएमई बैकले नयाँ खाता सञ्चालनमा ल्याएको छ । सरकारले बैंक खाता नहुने नेपाली नागरिकलाई लक्षित गरी सुरु गर्न लागेको ‘समृद्धसँग जोडौं नाताः सबै नेपालीको बैंक खाता’ अभियान अन्तर्गत बैँंकले नयाँ खाता सञ्चालनमा ल्याएको हो ।
खाता नयाँ वर्षको सुरुवातसँगै वैशाख १ गतेबाट खोल्न सकिने छ । बैंकले १ सय रुपैयाँ बोनस स्वरुप खातामा जम्मा गरिदिनेछ । बैंकको सबै शाखा र एक्सटेन्सन काउण्टर मार्फत् नागरिकता, राहदानी, फोटो सहितको मतदाता परिचयपत्र, राष्ट्रिय परिचयपत्र, सवारी चालक अनुमतीपत्र वा कुनै पनि सरकारी निकायले जारी गरेको फोटो सहितको ग्राहकको परिचय खुल्ने कागजातको आधारमा खाता खोल्न सकिने बैैँकले जानकारी दिएको छ ।