विराटनगर । मोरङ व्यापार संघले बारा र पर्साका हावाहुरी पीडितलाई राहत पठाएको छ । पीडित परिवारहरुलाई राहत वितरण गर्न संघले संकलन गरेको विभिन्न राहत सामग्री नेपाली कांग्रेस र तरुण दलमार्फत हस्तान्तरण गर्न पठाइएको हो । 
संघका अध्यक्ष पवनकुमार सारडाले २ लाख रुपैयाँ बराबरको राहत सामाग्रीहरु हस्तान्तरण गरिएको बताए । संघले चामल १ हजार ९ केजी चामल, २ सय केजी दाल, ४ सय २० थान साबुन, तेल २ सय पोका, नुन २ सय, आलु ३ सय केजी, ५० केजी प्याज, चाउचाउ ४ सय ५० प्याकेट, बिस्कुट ४ सय ३२ प्याकेट र चप्पल एक सय २० जोर पठाएको छ । 
संघका तर्फबाट उपलब्ध गराइएको राहत सामग्री नेपाली कांग्रेसकी प्रदेशसभा सदस्य बिन्दिया कार्की, महासमिति सदस्य रञ्जित झा, तरुण दलका जिल्ला अध्यक्ष संजय थापा र विराटनगर सभापति सन्तोष न्यौपानेले बुझेका थिए । संकलित सामग्री पीडितलाई हस्तान्तरण गरिने न्यौपानेले बताए ।