काठमाडौं । नेपाली कांग्रेस निकट शिक्षकहरुको संगठन नेपाल शिक्षक संघको संघीय प्रतिनिधि भेला बुधबारबाट काठमाडौंमा हुँदैछ । भेला बिहान ११ वजे कांग्रेस सभापति शेरबहादुर देउवाले उद्घाटन गर्ने कार्यक्रम रहेको छ ।
चाबहिलमा रहेको नवदुर्गा पार्टी प्यालेसमा हुने भेलाको उद्घाटन सत्रमा कांग्रेसका वरिष्ठ नेता रामचन्द्र पौडेल, महामन्त्री डा. शशांक कोइराला, कोषाध्यक्ष सीतादेवी यादवले सम्बोधन गर्ने कार्यक्रम रहेको शिक्षक संघका अध्यक्ष राजेन्द्रराज पौडेलले जानकारी दिए ।
उनका अनुसार भेलामा ७० जिल्लाका शिक्षक संघका जिल्ला अध्यक्ष तथा पदाधिकारी तथा ७ प्रदेशका अध्यक्ष र पदाधिकारी सहभागी हुने छन् । भेलाले संघको वार्षिक नीति तथा कार्यक्रम पारित गर्ने अध्यक्ष पौडेलले बताए ।