काठमाडौं । ह्वावेको पी ३० सिरिज अन्तर्गतका स्मार्टफोन नेपालमा सार्वजनिक गरिएको छ । ह्वावेले पी ३० सिरिजका ह्वावे पी ३०, ह्वावे पी ३० प्रो र ह्वावे पी ३० लाइट सार्वजनिक गरेको हो ।

नेपाली बजारमा यी तीनै मोडलका फोनको बिक्री चैत २९ बाट सुरू हुँदैछ । अग्रिम बुकिङ भने चैत २७ बुधबारसम्म गर्न सकिनेछ ।

ह्वावे पी ३० सिरिजमा फोटोग्राफी र डिजाइन ह्वावे पी सिरिज डिएनएमा आधारित रही निर्माण गरिएको छ र कम्पनीकै सबैभन्दा अत्याधुनिक सिरिजको स्मार्टफोन क्यामरा जडान गरिएको छ । यी स्मार्टफोनमा नवीनतम ह्वावे सुपरस्पेक्ट्रम सेन्सर, एनपटीकल सुपरजुम लेन्स र ह्वावेको नयाँ टाइम अफ फ्लाइट (टीओएफ क्यामरा), स्तरोन्नति गरिएको अप्टिकल र एआई स्टेबलाइजेसन प्रविधि जडान गरिएको छ । जसकारण ह्वावे पी ३० र ह्वावे पी ३० प्रोले अविश्वसनीय तस्बिरहरू र भिडियोहरू खिच्ने कम्पनीको दाबी छ ।

ह्वावे पी ३० प्रोमा नयाँ लाइका क्वाड क्यामरा प्रणाली रहेको छ । साथै ह्वावे सुपरस्पेक्ट्रम सेन्सर भएको ४० एमपीको मुख्य क्यामरा, २० एमपीको अल्ट्रावाइड एंगल, ८ एमपीको टेलिफोटो क्यामरा, ह्वावे टिओएफ क्यामरा र उत्कृष्ट सेल्फी खिच्ने ३२ एमपीको फ्रन्ट क्यामरा रहेको छ ।

आरवाईवाईबी ह्वावे सुपरस्पेक्ट्रम सेन्सर परम्परागत आरजीजीबी बेयर फिल्टर भन्दा फरक छ । यसमा ग्रीन पिक्सलको स्थानमा पहेंलो पिक्सल रहेको छ ।

ह्वावेको एआईएस, ओआईएस र ह्वावेको पी ३० प्रोको एफ–१.६ इन्चको वाइड एपरर्चरसहित सेन्सर प्रविधिमा आएको आधारभूत परिवर्तनले फोटोग्राफी र भिडियोग्राफीको असामान्य अनुभव प्रदान गर्ने कम्पनीको दाबी छ । एकदमै कम उज्यालो वा जस्तोसुकै प्रकाशमा पनि स्पष्ट र प्रष्ट रंग वा पृष्ठभूमि भएका तस्बिर खिच्छ यसले । यसमा भएको नयाँ सुपरजुम लेन्सले पाँच गुणा अप्टिकल जुम, १० गुणा हाइब्रिड जुम र ५० गुणा डिजिटल जुम सपोर्ट गर्दछ ।

ह्वावे टिओएफ क्यामराले एक्युरेट इमेज दिनका लागि डेप्थ अफ फिल्ड इन्फरमेसन कैद गर्दछ । ह्वावेको एआईले पर्फेक्ट तस्बिर दिनका लागि सघाउँछ । एआई एचडीआर प्लसले फ्रन्ट र रियर क्यामरा सञ्चालन गरी एकै चोटि खिचिएका तस्बिरहरुलाई राम्रो बनाउँछ ।

ह्वावेको पी ३० सिरिजमा भएको स्मार्ट फोटोग्राफीलाई सुपरस्पेक्ट्रम सेन्सरले कम प्रकाशमा पनि रातमा खिचिएका तस्बिरहरू उज्यालो र एकदम प्रष्ट आउँछ र यसले स्मार्ट भिडियोग्राफीको परिभाषालाई पुनः परिभाषित गरेको कम्पनीको दाबी छ । ह्वावेको डुअल भ्यू भिडियोले एउटै सिन वा मानिसको दुई वटा पर्सपेक्टिभ सटहरु खिच्न सघाउँछ ।

यसमा रहेको एआईएस र ओआइएसले सबै भिडियो क्याप्चर सेटिङका लागि भिडियो स्टेबलाइजेसनलाई सपोर्ट गरी परफेक्ट सट दिन्छ । यसका साथै सुपरजुम लेन्सले सटिक क्लोजअप तस्बिरहरू खिच्न मद्दत गर्छ भने एआई भिडियो एडिटरले स्पेशल इभेक्टहरू र ब्याकग्राउन्ड म्युजिक प्रदान गरी ह्वावे पी ३० सिरिजलाई मोबाइल प्रोडक्शन स्टुडियोमा परिणत गर्दछ ।

ह्वावे पी ३० सिरिजका प्रमुख विशेषताः
–    प्रोसेसर पी ३० प्रोः ७ एनएम किरिन ९८०
–    ह्वावे पी ३० प्रोमा ४२०० एमएएच ब्याट्री रहेको छ र ४० वाटको ह्वावे सुपरचार्जलाई पनि सपोर्ट गरी मात्र ३० मिनेटमा जिरोबाट ब्याट्री ७० प्रतिशतमा पुर्याउँछ ।
–    ह्वावे पी ३० सिरिजमा डुअल सिम र डुअल भिओएलटीई कनेक्टिभिटी जस्ता अत्याधुनिक वायरलेस कम्युनिकेसनलाई सपोर्ट गर्दछ ।
–    ६.४७ इन्चको ह्वावे पी ३० प्रो र ६.१ ईन्चको ह्वावे पी ३० ब्रेथिङ क्रिस्टल, एम्बर सनराइज, अरोरा, पर्ल ह्वाईट र ब्ल्याक रंगमा उपलब्ध छ ।
–    चाँडो र पहिचान सुरक्षित गर्न अन स्क्रीन फिंगरप्रिन्ट सेन्सरयुक्त
–    ह्वावे पी ३० मा ह्वावे अगोस्टिक डिस्प्ले प्रविधि रहेको छ जसले साउन्ड इमिटिङ डिस्प्लेमार्फत् उच्च क्वालिटीको अडियो प्रदान गर्छ ।

ह्वावे पी ३० प्रोको मूल्य १ लाख १९ हजार ९ सय रुपैयाँ तोकिएको छ भने ह्वावे पी ३० को मूल्य ८४ हजार ९०० रूपैयाँ तोकिएको छ । त्यस्तै ह्वावे पी ३० लाईट को मूल्य ३९ हजार ९ सय ९० रूपैयाँ पर्ने कम्पनीले जनाएको छ ।