काठमाडौं । शेरबहादुर खड्का स्मृतिको प्रतिष्ठानको आयोजनामा वैशाखमा हुन लागेको पाँचौं राष्ट्रिय महिला भलिबल प्रतियोगितालाई मुक्तिनाथ विकास बैंकले प्रायोजन गरेको छ ।
 
आइतबार काठमाडौंमा आयोजित कार्यक्रममा प्रायोजन सम्झौता भएको हो ।  प्रतिष्ठानका संरक्षक गमली खड्का र मुक्तिनाथ विकास बैंकका सीईओ प्रध्युमन पोखरेलले सम्झौतापत्रमा हस्ताक्षर गरे । 

सम्झौतासँगै बैंकले उपाधि बिजेता टिमलाई २ लाख रुपैयाँसहित आवश्यक होर्डिड्ड बोर्ड र ब्यानरको व्यवस्था गर्ने भएको छ ।

भलिबल वैशाख दोस्रो साताबाट सुरु हुनेछ । विजेताले २ लाख, उपविजेताले १ लाख र तेश्रो हुनेले ५० हजार नगद प्राप्त गर्ने आयोजकले जनाएको छ ।