काठमाडौं । कप्तान बिराट कोहली र एबी डी भिलियर्सको अर्धशतकमा रोयल च्यालेन्जर्स बैंग्लोरले इण्डियन प्रिमिएर लिग (आइपीएल) क्रिकेटमा कोलकत्ता नाइट राइडर्सविरुद्ध २ सय ६ रनको लक्ष्य दिएको छ । पराजित यात्रालाई विश्राम लगाउने लक्ष्यमा रहेको बैंग्लोरले निर्धारित २० ओभरमा ३ विकेटको क्षतिमा २ सय ६ रनको लक्ष्य दिएको हो ।
घरेलु मैदानमा टस हारेर ब्याटिङ गरेको बैंग्लरका लागि कप्तान बिराट कोहली र एबि डि भिलियसले उत्कृष्ट ब्याटिङ गरेका छन् । ४९ बलको सामना गरेका कप्तान कोहलीले ९ चौका र २ छक्काको मदतमा ८४ रन बनाए ।
एबी डी भिलियर्सले ६३ रन बनाए । ३२ बल खेलेका उनले ५ चौका र ४ छक्का प्रहार गरे । पार्थिब पटेलले २५ रन बनाए । मार्कुस स्टोनिसले अबिजित २८ रन बनाए । कोलकत्ताका नितेश राना ,कुलदिप यादब र सुनिलले १–१ विकेट लिए ।
२ सय ६ रनको लक्ष्य पाएको कोलकत्ताले अहिले केहीबेरमा जवाफी ब्याटिङ गर्नेछ । ३ खेलबाट २ मा जित र १ मा हार ब्यहोरेको कोलकत्ता ४ अंकसहित लिगतालिकाको चौथो स्थानमा छ । बेङलोर अंकबिहिन छ ।