खेल
एजेन्सी, मिलान । इटालियन क्लब नापोलीका स्ट्राइकर गोन्जालो हेगुइन इटालियन च्याम्पियन युभेन्टसमा अनुबन्धित भएका छन् । २८ वर्षका हेगुइनले मंगलबार युभेन्टससँग पाँच वर्षको सम्झौता गरेका छन् ।
हेगुइनलाई युभेन्टसले नापोलीबाट ७ करोड ५३ लाख पाउण्ड स्ट्रलिङ मुल्यमा अनुबन्ध गरेको हो । हेगुइन सन् २०१३ मा रियल मड्रिडबाट तीन करोड ४५ लाख पाउण्डमा नापोली आएका थिए । युभेन्टसले नापोलीलाई ९० मिलियन युरो दुई किस्तामा उपलब्ध गराउने छ । हेगुइनले गएको सिजन नापोलीबाट ३६ गोल गरी इटालियन सिरी एको गोल्डेन बुट जितेका थिए । नोपाली गएको सिजन सिरी एको उपविजेता बनेको थियो ।
युभेन्टसमा अनुबन्धित भएसंगै हेगुइन तेस्रो महंगा खेलाडी समेत बेनेका छन् अहिलेसम्म सबै भन्दा महंगा खेलाडीको पहिलो नम्बरमा रियल मड्रिडका ग्यारेथ बेल छन् । त्यस्तै दोस्रो नम्बरमा पनि रियलकै क्रिष्टियानो रोनाल्डो छन् । बेल सन् २०१३ मा ८ करोड ५० लाख पाउण्डमा तथा रोनाल्डो सन् २००९ मा ८ करोड पाउण्डमा रियल मड्रिडमा अनुबन्धित भएका थिए ।
प्रकाशित मिति: बुधबार, साउन १२, २०७३ ०९:०९
प्रतिक्रिया दिनुहोस्