खेल
एजेन्सी, लण्डन । स्विजरल्याण्डका टेनिस स्टार रोजर फेडेररले ब्राजिलमा हुने रियो ओलम्पिकमा सहभागिता नजनाउने भएका छन् । १७ पटकका ग्राण्डसलाम विजेता फेडेररले घुँडाको चोटका कारण ओलम्पिक नखेल्ने भएका हुन् ।
३४ बर्षिय फेडेररको गत फेबअरीमा घुँडाको शल्यक्रिया गरिएको थियो । र, फेडेररको चोट गम्भीर भएको बताइएको छ । त्यस चोटबाट मुक्त हुन् फेडेररले ओलम्पिक नखेल्ने जनाएका छन् ।
फेडेररले ओलम्पिकको पुरुष एकलमा अहिलेसम्म स्वर्ण जित्न सकेका छैनन् । तर, फेडेररले सन् २००८ को बेइजिङ ओलम्पिकमा डबल्समा स्वर्ण पदक जितेका थिए ।
यस्तै फेडेररले ओलम्पिकसहित यो सिजनक प्रतियोगिताहरु समेत नखेल्ने भएका छन् । उनले गत मे मा भएको फ्रेन्च ओपन पनि खेलेका थिएनन् ।
प्रकाशित मिति: बुधबार, साउन १२, २०७३ ०९:०८
प्रतिक्रिया दिनुहोस्