काठमाडौं । राष्ट्रिय पुनर्निर्माण प्राधिकरणले भूकम्पबाट क्षति भई अनुदान पाउने सूचीमा परेका सबै घरधनीलाई पहिलो किस्ता अनुदान उपलब्ध गराउन २० अर्ब रुपैयाँ बजेटको अख्तियारी दिएको छ ।

प्राधिकरणले संघीय मामिला तथा स्थानिय विकास मन्त्रालय अन्र्तगतको केन्द्रीय आयोजना कार्यन्वयन इकाईलाई मंगलरबार पीडितलाई अनुदान रकम वितरण गर्न अख्तियारी प्रदान गरेको जानकारी दिएको छ । ४ लाख ७४ हजार ४४४ घरधनीलाई पहिलो किस्ता रकम प्रतिघर ५० हजार रुपैयाँ दिन २३ अर्ब ७२ करोड २२ लाख रुपैयाा आवश्यक पर्ने भएपनि पहिलो चरणमा सरकार र दातृनिकायका गरी १९ अर्ब ३ करोड हजार रुपैयाँ खर्च गर्न सकिने प्राधिकरणका प्रवक्ता राम थपलियाले जानकारी दिए । उनका अनुसार बाँकी ४ अर्ब ३८ करोड रुपैयाँ अघिल्लो वर्षको वचत तथा विभिन्न गैरसरकारकारी संस्थामार्फत उपलब्ध गराउन व्यवस्था अनुसार वितरण हुने छ । 

यस्तै उपत्यका बाहिरका भूकम्प अतिप्रभावित जिल्ला र ललितपुरको कार्यविनायक नगरपालिकामा गरी ५ लाख ३३ हजार १६८ घरधनीले २ लाख रुपैयाँ अनुदान पाउने भएका छन् । यसमध्ये ३७ हजार ७२ घरधनीको यसअघि नै पहिलो किस्ता अनुदान रकम १ अर्ब ८५ करोड ३६ लाख रुपैयाँ लाभाग्राहीको खातामा जम्मा भइसकेको छ । चालु आर्थिक वर्षमा पुननिर्माणका काम अघि बढाउन अर्थ मन्त्रालयले प्राधिकरणलाई ८४ अर्ब रुपैयाँको वजेट अख्तियारी दिएको थपलियाले बताए  ।  अनुदान पाउने सूचीमा परेका मध्ये १९ हजार २२ घर पुननिर्माणका लागि लागि  गैरसरकारी संस्थासंग सम्झौता भइसकेको छ । काठमाडौ उपत्यकामा पनि सर्वेक्षणको काम सुरु भइसकेको छ । यस्तै प्रभावित १७ जिल्लामा सर्वेक्षणको काम जारी रहेको प्राधिरकणले जानकारी दिएको छ ।