काठमाडौं । महानगरीय प्रहरी प्रभाग नागढुंगाले लागुऔषधसहित एक जनालाई पक्राउ गरेको छ ।

महानगरीय प्रहरी प्रभाग नागढुंगाबाट खटिएको प्रहरी टोलीले चन्द्रागिरी नगरपालिका–२ नागढुंगास्थित सडकमा जाँचका क्रममा लागुऔषधसहित आइतबार एक जनालाई पक्राउ गरेको हो ।
 
महानगरीय प्रहरी वृत्त थानकोटका प्रहरी प्रमुख नायब उपरीक्षक कुमार विक्रम थापाले महोत्तरीबाट काठमाडौँ आउँदै गरेको ना५ख १२०९ नंको यात्रुवाहक बसलाई जाँच गर्ने क्रममा बसमा सवार महोत्तरी गौशाला नगरपालिका–७ बस्ने अन्सु चौधरीलाई पक्राउ गरिएको बताए ।

प्रहरी नायब उपरीक्षक थापाले उनको साथबाट अवैध लागुऔषध नाइट्राभेट १६५ ट्याब्लेट बरामद गरिएको छ ।