विराटनगर । २६ औं मिनेटमा अग्रता लिएको भारतविरुद्ध नेपालले बराबरी गोल फर्काएको छ । गिता रानाको पासमा साबित्राले गोल गरिन् । विराटनगरस्थित सहिद रंगशालामा नेपाल र भारत पाँचौं महिला साफ च्याम्पियनसिप फुटबलको उपाधिका लागि प्रतिस्पर्धा गरिरहेका छन् । नेपाल २६ औं मिनेटमा पछाडि परेको थियो । हिराकुमारी भुजेलले गरेको फाउलमा प्राप्त फ्रिकिकमा भारतकी डालिमाले गोल गरेकी थिइन् ।
घरेलु मैदान र दर्शक साथ पाएको नेपालले आक्रामक खेलिरहेको छ । सुरुआती अवसर नेपालले खेर फालेको छ । साबित्रा भण्डारीले १० औं र २६ औं मिनेटमा गोलका सुन्दर अवसर खेर फालिन् । चिरपरिचित प्रतिद्धन्दी भारतबिरुद्धको फाइनलमा प्रशिक्षक हरी खड्काले सेमिफाइनलमा श्रीलंकाबिरुद्ध मैदान उत्रारेको टोलीलाई नै निरन्तरता दिएका छन् ।
नेपालको प्लेइङ–११ मा गोलकिपरमा एन्जिला तुम्पाबो सुब्बा छन् । डिफेन्डरमा हिरा भुजेल, गिता राना, पुनम जर्घामगर, मनमाया लिम्बू छन् । मिडफिल्डमा मन्जली योन्जन, रेनुका नगरकोटी, दिपा राई र अनिता बस्नेत छन् ।
फर्वाडमा सावित्रा भण्डारी र रेनुका नगरकोटी छन् । सेमिmाइनलमा श्रीलंकालाई हराउँदै नेपाल फाइनलमा पुगेको हो । भारतले बंगलादेशलाई पराजित गरेको थियो ।