काठमाडौं । नेपाल लोक स्टारमो बजार प्रबर्द्धन र बिक्रि वितरण एडप्याडले गर्ने भएको छ । एएनएसको सहायक कम्पनी एडप्याडले चाहना मिडियाले ल्याएको नेपाल लोक स्टारको प्रचारप्रसार तथा बिक्रि वितरण गर्ने आधिकारिक एजेन्सी बनाएको हो ।
यससम्बन्धि सम्झौतामा एडप्याडका निर्देशक सरोज बस्नेत र चाहना मिडियाका अध्यक्ष सहदेव कोइरालाले हस्ताक्षर गरे ।
नेपाल लोक स्टार नेपालीहरुको आफ्नै मौलिकता झल्कने नेपालकै पहिलो रियालिटी शो हो । यसले देशको कुना कुनामा लुकेको लोक प्रतिभालाई उजागर गर्ने उदेश्यले यो कार्यक्रम सञ्चालन गरिएको छ ।
यस कार्यक्रमका निर्णायक मण्डलमा जय नन्द लामा, बिबि अनुरागी, रामजी खाँड र सुनिता दुलाल रहेका छन् भने कार्यक्रमको होस्ट मिस नेपाल इन्टरनेसनल २०१२, शुभेक्ष्या खड्का र लोक गायक अशोक धिताल रहेका छन् ।
नेपाल लोक स्टार एपीवान एचडीमा २०७६ साल जेठ २५ गतेबाट हरेक हप्ता शनिबार र आइतबार प्रसारण हुनेछ । कार्यक्रमको विजेताले पचास लाख नगद पुरस्कार प्रदान गरिनेछ ।