धेरै गाएको छैन । १० वटा रेकर्ड भयो । अब अरु पनि केही रेकर्ड गर्ने तयारीमा छु । 

सबै अरुकै एल्बमका लागि गाएकी छु । आफ्नो त एउटा पनि छैन । 

प्रेमसागर पौडेल, विजय केसी, धिरज श्रेष्ठलगायत नयाँ भाईहरूको एल्बमका लागि गाएकी छु । 

मैले गाएका गीतहरु सबै टिपिकल नै छन् । पहिलेदेखि नै सबै टिपिकल गीत नै गाउँदै आएकी छु र आगामी दिनमा पनि म गीतको शब्दमा ध्यान दिन्छु । अरुको विषयमा कुरा नगरौं । समयको माग पनि होला । कति हामीले यो गीतचाहिँ ठीक छैन संस्कार र संकृतिका हिसाबले भनेको गीत पनि स्रोताले मन पराइरहनु भएको हुन्छ । 

यो त भिडियो डाइरेक्टरको हातमा हुन्छ । गीतअनुसार भिडियो बनाउनुपर्ने उहाँहरूको दायित्व हो । गीत एकातिर भिडियो अर्कोतिर भयो भने उहाँहरूकै कार्यक्षमतामा प्रश्नचिन्ह उठ्छ नि ।

धेरै गीत यस्तै छन् । यस्तै गीत हिट पनि भइरहेका छन् । यो त जो संकलक हो, उसको कमजोरी हो । तपाईंले भनेजस्तो लोकगीत भने पनि लोक परिवेश समावेश भएको हुनुपर्छ । स्थानीय संस्कार र संस्कृति पनि समावेश भएको हुनुपर्छ । जनबोली र लवज आउनुपर्छ । त्यो भएन भने पक्कै पनि राम्रो होइन । प्रश्न गर्ने ठाउँ रहन्छ । सकेसम्म यस्ता प्रश्न आउन दिने ठाउँ राख्नु हुन्न भन्ने लाग्छ ।

हाम्रो त गाउने पेशा नै हो, त्यसैले गाउनुपर्छ । अरुले के गर्नुहुन्छ, मैले बोल्ने कुरा होइन । समाज र संस्कृतिलाई नै असर गर्ने खालका गीत मैले गाएको छैन । र, गाउँदिन पनि ।

सबै कलाकारले कला, संस्कृति, संस्कार र परम्परा नै बिर्सिसके भन्ने होइन । कतिले गीतलाई व्यावसायिकता र लोकप्रियता तथा चर्चाका लागिमात्रै लिनुभएको होला । तर, हाम्रैमा त्यस्ता सर्जक पनि छन् जो नेपाली कला, साहित्य र संस्कारको संरक्षण तथा सम्वद्र्धनमा मात्रै पनि लागेका छन् ।

यसलाई दुवै तरिकाले हेर्न सकिन्छ । लामो समयदेखि भेट नभएका दिदीबहिनी तथा आफन्तहरूबीच भेटघाट हुन्छ । वर्षभरिका पिर, वेदना साटासाट हुन्छ । यो हिसाबले हेर्दा राम्रो हो । तर, यसलाई भड्किलो रूपमा मनाउने हो भने विकृति नै भन्नुपर्छ । 

गीतहरू रेकर्ड गरिरहेकी छु । म आफैं मोडलिङ नगर्ने भएकाले छायाङ्कन त गर्नुपर्दैन । तर, लिप्सिङका लागि पनि लोकेसनमा जानुपर्छ । आज पनि लिप्सिङ दिनु पर्नेछ । देशकै विभिन्न जिल्लामा स्टेज सोका लागि जाँदैछु । तिजको समयमा तिजकै कार्यक्रममा इजरायल हुन्छु ।