काठमाडौं । नेपाली सेनामा लेफ्टिनेन्टदेखि जागिर सुरु गरेर तत्कालिन प्रशासनमा चीफ सेक्रेटरी हुँदै नेपालको पहिलो महालेखापरीक्षकसमेत भइसकेका चन्द्रबहादुर थापाको निधनको ५० वर्ष पछि स्मृति ग्रन्थ सार्वजनिक भएको छ । 
काठमाडौंमा मंगलबार आयोजित कार्यक्रममा महालेखापरीक्षक टंकमणि शर्मा दंगाल र प्रज्ञा प्रतिष्ठानका कुलपति गंगाप्रसाद उप्रेतीले सार्वजनिक गरे । सो अवसरमा शर्माले पुस्तकको चर्चा गर्दै उनले महालेखा परीक्षक हुँदा गरेको कामहरुको स्मरण गरे ।
सो स्मृति ग्रन्थमाथि दामोदर पुडासैनी किशोरले समीक्षात्मक टिप्पणी गरेका थिए । प्राडा पार्थिवेश्वर तिमिल्सिनाको सभापतित्वमा सम्पन्न कार्यक्रममा गंगाप्रसाद उप्रेती, हिमालय शमशेर जबरा, नारायण कुमार र पुस्तकका सम्पादक रमेश दाहाललगायतले बोलेका थिए ।