काठमाडौँ । नेपाली राष्ट्रिय टोलीका युवा लेग स्पिनर सन्दीप लामिछाने बुधबार दिल्ली प्रथान गर्ने भएका छन्। सन्दिप इण्डियन प्रिमियर लिग (आईपीएल) खेल्न दिल्ली जान लागेका हुन् । गत सस्करणमा कमजोर मानिएको दिल्ली यस पटक उपाधि जित्ने लक्ष्यका साथ रहेको सन्दीपले बताए । दिल्ली जानुअघि पत्रकार सम्मेलनमा बोल्दै उनले दिल्लीलाई उपाधि जिताउने चाहना भएको बताए ।
“यस सिजन हाम्रो टिममा राम्रो खेलाडीहरु छन्, खेलाडीहरुले तयारी पनि राम्रोसंग गरिरहेका छन्, सायद यो सिजनको उपाधि हाम्रो पक्षमा हुन्छ होला,” सन्दीपले भने ।
सन्दीपले जुनसुकै खेले पनि देशको नाम सधै उच्च राख्ने आफ्नो लक्ष्य भएको बताए। भर्खरै मात्र पीएसएल खेलेर नेपाल फर्केका सन्दीप केही दिनको बसाइ पनि पुन दिल्ली जान लागेका हुन् । पहिलो वर्ष भन्दा हाल थप जिम्मेवारी बढेको सन्दीपले बताए ।
“आइपीएलमा पहिलो वर्ष जस्तो मेरो जिम्मेवारी हुनेछैन्, थप जिम्मेवारी बढेको छ, यो जिम्मेबारीलाई साथमा राखेर अघि बड्ने छु,” सन्दीपले भने ।
गत सिजन दिल्लीमा २० लाखमा अनुबन्ध भएका सन्दीप यो सिजन पनि सोहि मूल्यमा खेल्नेछन् ।
