बीबीसी । भेनेजुएलाले भारतलाई भारतीय रुपैयाँमा इन्धन खरिद गर्न प्रस्ताव गरेको छ । अमरिकी प्रतिबन्धका कारण भारतले दक्षिणी अमेरिकी मुलुक भेनेजुएलासँग इन्धन किन्न समस्या झेल्दै आएको अवस्थामा भेनेजुएलाबाट यस्तो प्रस्ताव आएको हो ।
बीबीसीका अनुसार भारतले यसबारे विचार गरिरहेको छ । यहीकारण डलरको विकल्पमा भारुको प्रभावकारी उपयोग हुनसक्ने बताइएको छ ।
भेनेजÞुएलाका राष्ट्रपति निकोलस मडुरोलाई अमेरिका सत्ताबाट हटाउन चाहन्छ तर मडुरो सत्ता छोड्न तयार छैनन् । यहीकारण अमेरिकाले भेनेजÞुएलामाथि कैयौं प्रतिबन्ध लगाइरहेको छ । गत जनवरीमा अमेरिकाले भेनेजÞुएलाका विपक्षी नेता वैन ग्वाडोलाई राष्ट्रपतिको मान्यता दिएको थियो । अमेरिकाले प्रतिबन्धको माध्यमबाट मडुरोमाथि थप दबाव दिन चाहेको छ ।
यता अमेरिका भारतमाथि भेनेजुएलाबाट हुने इन्धन आयात कटौती गर्नका लागि राजनीतिक दबाब सिर्जना गरिरहेको छ । यस्तो अवस्थामा भारतसँग दुई विकल्प छन् । पहिलो, आयात बन्द गर्ने वा भुक्तानीको दोस्रो विकल्प सोच्ने । यस अवस्थामा भारतले भेनेजुएलाको यो प्रस्ताव स्वीकार गर्न सक्ने जानकारले बताएका छन् ।
भारतले पहिले पनि आफ्ना रिफाइनरी कम्पनीलाई अमेरिकी नियन्त्रित भुक्तानी प्रणालीसँग बच्न सुझाव दिइरहेको छ । हाल भारतको रिलायन्स इन्डस्ट्रिज तथा नयारा इनर्जि भेनेजÞुएलाबाट दैनिक तीन लाख ब्यारेल इन्धन आयात गरिरहेका छन् ।
अमेरिकी दबाबबाट बच्नका लागि दुई देश सबै भुक्तानी भारुमा गर्नेबारे हाल सोचिरहेका छन् । हाल भारत इरानसँग पनि भारुमा इन्धन किनिरहेको छ । इरानमाथि पनि अमेरिकी प्रतिबन्ध छ । भेनेजुएलाको यो प्रस्ताव भारतको इन्धन मन्त्रालयले विदेश मन्त्रालय पठाएको छ ।