एजेन्सी । च्याम्पियन्स लिग क्वार्टरफाइनलअन्तर्गत बार्सिलोनाले म्यान्चेस्टर युनाइटेडसँग प्रतिस्पर्धा गर्ने भएको छ। शुक्रबार सार्वजनिक भएको ड्र अनुसार बार्सिलोनाले क्वार्टरफाइनलमा युनाइटेडलाई प्रतिद्वन्द्वी पाएको हो।
बार्सिलोना र युनाइटेडबीच भएका हालसम्मका ११ खेलहरुमा बार्सिलोनाले चार र युनाइटेडले तीन खेल जितेका छन् भने चार खेलमा बराबरी भएको छ।
यसैगरी युभेन्ट्सले क्वार्टरफाइनलमा आयाक्सलाई प्रतिल्वन्द्वीको रुपमा पाएको छ। नेदरल्याण्डको क्लब आयाक्स र इटालियन क्लब युभेन्ट्सबीचको खेल निकै रोमाञ्चक हुने मानिएको छ।
युभेन्ट्स र आयाक्सबीच भएका हालसम्मका १२ खेलहरुमा युभेन्टसले छ खेलमा जित, दुई खेलमा हार र चार खेलमा बराबरी खेलेको छ।
युभेन्ट्सले १५ गोल गरेको छ भने नौँ गोल खाएको छ। उता, दुई इङिलस क्लबले क्वार्टरफाइनमा प्रतिस्पर्धा गर्ने भएका छन्। म्यान्चेस्टर सीटी र टोटेनहमले क्वार्टरफाइनमा प्रतिस्पर्धा गर्ने भएका हुन्।
त्यसैगरी अर्को खेलमा लिभरपुल र पोर्टो भिड्ने पक्का भएको छ।