एसईईको तयारी पूरा, प्रदेशअनुसार फरक–फरक प्रश्नपत्र

एसईईको तयारी पूरा, प्रदेशअनुसार फरक–फरक प्रश्नपत्र

काठमाडौं । यही चैत १० गतेबाट सुरु हुने माध्यमिक शिक्षा परीक्षा (एसईई)को सम्पूर्ण तयारी पूरा भएको छ । राष्ट्रिय परीक्षा बोर्डले प्रश्नपत्र प्रदेशलगायतका सबै केन्द्रहरुमा पुर्याइसकिएको जानाएको छ ।
बोर्डका अध्यक्ष प्रा.डा. चन्द्रमणि पौडेलले एसईईको सबै तयारी पूरा भएको बताए । उनले यस वर्ष नियमिततर्फ ५ लाख परीक्षार्थी एसईई परीक्षामा सामेल हुने जानकारी दिए । एक्जाम्टेडतर्फ भने ५० हजार परीक्षार्थी छन् । 
यस वर्ष केन्द्र र प्रदेश गरी कूल १ हजार ९ सय ६१ वटा परीक्षा केन्द्रहरु तोकिएको छ । परीक्षाका लागि खटाइने सुरक्षाकर्मी तथा निरीक्षक र गार्डहरु स्थानीय तहले नै खटाउने निर्णय भएको बोर्डले जनाएको छ । 
प्रश्नपत्र पनि यस वर्षदेखि प्रदेश अनुसार फरक–फरक हुनेछ । एसईई परीक्षामा प्रदेशगत रुपमा अनिवार्य ६ विषयको समानान्तर सेटबाट परीक्षा सञ्चालन हुने भएको हो ।
शिक्षा, विज्ञान तथा प्रविधि मन्त्रालयका सचिव खगराज बरालले यस वर्षको एसईईको परीक्षामा अनिवार्य ६ विषयको परीक्षा समानान्तर सेटबाट सञ्चालन गर्ने तयारी गरिएको जानकारी दिए । एसईई चैत १० गते सुरु भई २१ गते बिहीबारसम्म जारी रहने छ भने परीक्षा बिहान ८ बजेदेखि ११ बजेसम्म हुने छ । 

फाइल तस्बिर

प्रतिकृया दिनुहोस

सम्बन्धित समाचार

एसईईको तयारी पूरा, ४ लाख ७४ हजार परीक्षार्थी सहभागी हुँदै 

काठमाडौं । चैत १० गते आइतबार हुने यस वर्षको एसईई परीक्षको तयारी पूरा भएको छ । राष्ट्रिय परीक्षा बोर्डका अनुसार

एसईई तयारीमा रहेकी करिष्मालाई छोरीको हौसला- डु वेल (तस्बिर र भिडियोसहित)

काठमाडौं । नायिका करिष्मा मानन्धर यो वर्ष एसईई परीक्षा दिँदैछिन् । अर्को साताबाट सुरु हुने परीक्षाका लागि उनी एक महिनादेखि

बाल सुधार गृहका २५ बालबालिका यसवर्ष एसईई दिँदै

काठमाडौं । बाल सुधार गृहका २५ जना बालबालिका यस वर्ष एसईईको परीक्षा दिँदैछन् । सबै कोर्ष सकेर ती बालबालिका परीक्षाको