च्याम्पियन्स लिगमा मेस्सीको नयाँ रेकर्ड

च्याम्पियन्स लिगमा मेस्सीको नयाँ रेकर्ड

 एजेन्सी । गोल मेसिनको रुपमा चिनिने बार्सिलोनाका स्टार स्ट्राइकर लियोनल मेस्सीले विश्व फुटबलमा धेरै रेकर्डहरु बनाएका छन् । 

विश्व फुटबलमा मेस्सी सहभागी भएका सायद कमै खेलमा मात्र गोल गर्न असफल छन् । यो सिजन मेस्सीले हरेक खेलमा एक नयाँ रेकर्ड बनाउँदै गएका छन् ।
 
मेस्सीले बुधबार भएको लियोनविरुद्धको खेलमा एक नयाँ रेकर्ड बनाएका छन् । उनले यस सिजन च्याम्पियन्स लिगमा नयाँ रेकर्ड बनाएका हुन् । 

मेस्सीले च्याम्पियन्स लिगमा यो सिजन एउटै खेलमा दुई गोल र दुई असिस्ट गर्ने खेलाडीको रेकर्ड बनाउन सफल भएका हुन् ।
 
उनले च्याम्पियन्स लिगअन्तर्गत लियोनलविरुद्धको खेलमा दुई गोल गर्न सफल भए । मेस्सीले खेलको १७ औँ मिनेटमा पेनाल्टी मार्फत एक गोल गरे भने खेलको ७८ औँ मिनेटमा खेलमा गोल गर्न सफल भएका थिए । 

बुधबारको खेलमा नै उनले जेरार्ड पिके र उसमान डेम्बेलेको गोलमा पास मिलाएका थिए । यस सिजन च्याम्पियन्स लिगमा एउटै खेलमा दुई गोल र दुई असिस्ट गर्ने मेस्सी पहिलो खेलाडी हुन् । 

प्रतिकृया दिनुहोस

सम्बन्धित समाचार