Skip Advt.

चलचित्र नचलेपछि खाली छन् सिंगल थिएटर, २० लाख कमाउने हल १० लाख घाटामा

चलचित्र नचलेपछि खाली छन् सिंगल थिएटर, २० लाख कमाउने हल १० लाख घाटामा

काठमाडौं । नेपाली चलचित्रले राम्रो व्यापार गर्न नसकेपछि त्यसको असर निर्मातासँगै हलमा पनि परेको छ । सिंगल थिएटर अझ बढी यसको मारमा परेका छन् । नेपाली चलचित्रको व्यापार निरन्तर ओरालो लागेपछि सिंगल थिएटर सञ्चालक मारमा परेका हुन् । चलचित्र हेर्न दर्शक हलसम्म नआउँदा हलहरु घाटा व्यहोर्न बाध्य छन्।
 
“नेपाली चलचित्र निरन्तर नचल्दा अवस्था भयावह बन्दै गएको छ । चलचित्र हेर्न दर्शक आउँदैनन् । हरेक शो खाली छन्,” सिंगल थिएटर पुष्पाञ्जली र सिद्धार्थ हलका सञ्चालक गोपाकाजी कायस्थ बाह्रखरीसँग भन्छन्, “यो त चल्छ कि भन्यो, त्यो त चल्छ कि भन्यो कुनै चल्दैन । रिलिज भएकै दिन चलचित्र उत्रिन्छन् ।”

दसैं यता कुनै पनि नेपाली चलचित्रले राम्रो व्यापार गर्न नसकेको कायस्थ बताउँछन् । ‘छक्का पञ्जा’ यता कुनै पनि चलचित्रले सन्तोषजनक व्यापार गर्न नसकेको उनको भनाइ छ । 

“छक्का पञ्जा मात्रै चल्छ । त्यो पनि लामो समयका लागि होइन । एउटा मात्रै चलचित्र चलेर हुँदैन,” कायस्थ भन्छन्, “पहिला पहिला भुवन केसी, शिव श्रेष्ठ, राजेश हमाल, करिष्मा मानन्नधर, निखिल उप्रती, रेखा थापाका चलचित्र महिनौंसम्म चल्थे । आज चलेकै दिन चलचित्र उत्रिरहेका छन् ।”
 
हिरोइजम भएका चलचित्र सिंगल थिएटरका दर्शकले रुचाइरहेको तर त्यस्ता चलचित्र पछिल्लो समय निर्माण हुन नसकेको उनी बताउँछन् । “दर्शकले सिनेमाजस्तै सिनेमा हेर्न खोज्छन् तर अहिले सिरियलजस्ता चलचित्र बनिरहेका छन् । यस्ता चलचित्र दर्शकले मन पराएनन्,” कायस्थ भन्छन् ।
 
पुष्पाञ्जली हलले पहिला वार्षिक २० लाखसम्म कमाइ गर्ने गरेको स्मरण गर्दै उनी अहिले वार्षिक १० लाखसम्म घाटा व्यहोर्नुपर्ने अवस्था रहेको बताउँछन् । “फिल्म चलेन भनेर हल बन्द गर्नु पनि भएन । चल्छ कि भन्ने आस हुन्छ । वर्षमा २० लाखसम्म कमाइ गर्ने हलमा अहिले कर्मचारीलाई तलब दिने पैसा पनि उठ्दैन,” उनी भन्छन्, “टोटल, धमालजस्ता केही चलचित्र केही दिन चलेर धन्न हल बन्द भएका छैनन् । मेरो मात्रै होइन देशभर रहेका ५ दर्जनभन्दा धेरै सिंगल थिएटरको समस्या हो यो ।”
 
क्युएफएक्समा भने हिन्दी र अंग्रेजी चलचित्रले अवस्था केही सहज बनाइदिएका छन् । क्युएफएक्स सञ्चालक नकिम उद्धिन दसैंपछि नेपाली चलचित्रको व्यापार सन्तोषजनक नरहेको बताउँछन् । “दसैं यता नेपाली चलचित्रको खासै राम्रो अवस्था छैन,” नकिम बाह्रखरीसँग भन्छन्, “हिन्दी र इङलिस् चलचित्र चलेकाले खासै अप्ठ्यारो अवस्था छैन । नेपाली चलचित्र भने दसैंमा पनि राम्रोसँग चल्न सकेनन् ।”
 
सिंगल थिएटर न्यून आयस्रोत भएका दर्शकलाई लक्षित हल मानिन्छन् । दैनिक मजदुरी गरेर जिविको पार्जन गर्ने दर्शक सिंगल थिएटरमा गएको पाइन्छ । सिंगल थिएटरमा मल्टिप्लेक्सको तुलनामा तीन गुणा सस्तो टिकट पाइन्छ । 

मल्टिप्लेक्समा विस्तार हुँदै गएपछि दर्शक पनि विस्तारै सिंगल थिएटरबाट मल्टिप्लेक्सतर्फ आकर्षित हुन थालेका छन् । सिंगल थिएटरको टिकट तुलनात्मक रुपमा सस्तो भएकाले चलचित्र निर्माताले पनि पछिल्लो समय मल्टिप्लेक्सलाई लक्षित गरेर चलचित्र निर्माण गर्न थालेका छन् । 

नरेश फुयाँल

प्रतिकृया दिनुहोस

सम्बन्धित समाचारचार

चलचित्र आफूलाई बनाउने कि दर्शकलाई ?

कलाकार सरिता गिरीले रंगमञ्‍चमा समय बिताएको १६ वर्ष भयो । अशेष मल्लको नाटक ‘पत्थरको कथा’बाट उनले रंगमञ्‍चको यात्रा सुरु गरिन्

दरबारलाई पनि नटेर्ने पत्रकार

– नरेश फुयाँल वि.सं. २०२७ सालको एकदिन कमल प्रधान रेडियो नेपाल सुनिरहेका थिए । कृष्णा ताम्राकार समाचार पढिरहेकी थिइन् । तर,

कति कमायो ‘बुलबुल’ले ? अब ओभरसिज मार्केट जाँदै

काठमाडौं । नेपाली कथानक चलचित्र ‘बुलबुल’ले डेढ करोड रुपैयाँ ग्रस कलेक्सन गरेको छ । फागुन ३ गते रिलिज भएको चलचित्रले

पम्फा किन निस्किइन् अनन्त यात्रामा ? 

काठमाडौं । कर्णालीका पम्फा र मनसुरको विवाह उनीहरुका बुबाले जन्मनु अघि नै निश्चित गरी दिए । मनसुर बोल्न नसक्ने भएर