Skip Advt.

संस्कृतिविद् सत्यमोहन जोशी सम्मानित 

संस्कृतिविद् सत्यमोहन जोशी सम्मानित 

काठमाडौं । नेपाली लोक साहित्यमा अनवरत योगदान गरेका संस्कृतिविद् एवम् वाङ्मय शताब्दी पुरुष सत्यमोहन जोशीलाई  १ लाख एक हजार रुपैयाँ नगद राशीसहित सम्मान गरिएको छ ।  
कालीभक्त–कृष्णा पन्त स्मृति प्रतिष्ठानले मंगलबार काठमाडौंमा आयोजना गरेको एक कार्यक्रममा सो सम्मान प्रदान गरिएको हो ।
विदेशमा बसेर पनि नेपाली लोक साहित्यमा योगदान गर्ने व्यक्तिलाई १ हजार १ युएस डलर र नेपालमा बसेर योगदानगर्ने व्यक्तित्वलाई हरेक वर्ष १ लाख एक हजार रुपैयाँ पुरस्कारसहित सम्मान गरिँदै आइएको कार्यक्रममा संस्थापक महेश्वर पन्तले बताए । 
कार्यक्रमका प्रमुख अतिथि नेपाल प्रज्ञा प्रतिष्ठानका कुलपति गंगाप्रसाद उप्रेतीले कालीभक्त पन्त नेपाली लोक साहित्यका नक्षत्र भएको बताए । सम्मानित व्यक्तित्व सत्यमोहन जोशीले कालीभक्त पन्तको प्रेरणाले नै आफू यस क्षेत्रमा लागेको स्मरण गरे । 
प्रतिष्ठानका अध्यक्ष डा. पार्थिवेश्वरप्रसाद तिमिल्सिनाको सभापतित्वमा सम्पन्न सो कार्यक्रममा साहित्यकार गोपीकृष्ण, किशोर पहाडी, गोविन्द गिरी प्रेरणाले पनि बोलेका थिए । 
कार्यक्रममा महेश्वर पन्तको दोस्रो कथा कृति ‘नबोल्नेहरू’को  पनि लोकार्पण गरिएको थियो । सोही अवसरमा ब्लड डोनर्स अफ अमेरिकाद्वारा आयोजना गरिएको कविता महोत्सवमा प्रथम, द्वीतिय र तृतिय पुरस्कार प्राप्त गर्ने कविहरु रमेश सागर, गीता पुडासैनी र रामगोपाल आशुतोषलाई नगद पुरस्कारसहित प्रमाणपत्र प्रदान गरिएको थियो । 
 


प्रतिकृया दिनुहोस

सम्बन्धित समाचारचार

शताब्दी टेक्दै शताब्दी पुरुष सत्यमोहन जोशी

काठमाडौँ (रासस) वाङ्मय शताब्दी पुरुष सत्यमोहन जोशी आइतबारदेखि १०० वर्षमा प्रवेश गरेका छन् । दायित्व वाङ्मय प्रतिष्ठानको १९औँ वार्षिकोत्सवका अवसरमा आज

सत्यमोहन जोशीलाई ललितपुर महानगरको सम्मान, जोशीले भने– तपाईंहरुको उपहारले जीवनमा थप ऊर्जा मिलेको छ

काठमाडौं । शताब्दि पुरुष सत्यमोहन जोशीलाई ललितपुर महानगरपालिकाले चालकसहित गाडी र एक सुरक्षा गार्ड प्रदान गरेको छ । ललितपुर महानगरपालिकाका मेयर

सत्यमोहन जोशीलाई शताब्दी पुरुषको उपाधि

काठमाडौं । संस्कृतिविद् सत्यमोहन जोशीलाई शताब्दी पुरुषको उपाधिले सम्मानित गरिएको छ । राजधानीमा मंगलबार आयोजित एक कार्यक्रममा जोशीलाई संस्कृति, पर्यटन तथा

'सुनकेशरी' नाटक लिएर मण्डलाको टोली दिल्ली आउँदै

नयाँदिल्ली । मण्डला थिएटर नेपालको २५ सदस्यीय कलाकार टोली नाटक 'सुनकेशरी' लिएर भारतको राजधानी नयाँ दिल्ली आउँदैछ । दक्षिण एसियाकै