काठमाडौं । दोस्रो सातामा प्रदर्शन भैरहेको चलचित्र ‘क्याप्टेन’ उपराष्ट्रपति नन्द किशोर पुन पासाङ्गले हेरेका छन् । सोमबार आयोजना गरिएको विशेष शोमा उपराष्ट्रपति पुनले ‘क्याप्टेन’ हेरेका हुन् ।
उपराष्ट्रपती पुनले ‘क्याप्टेन’ले उठान गरेको विषयवस्तुको तारिफ गरे । “मैले सिनेमा हेरेँ, यो हाम्रो कथा हो त्यसैले मलाइ सिनेमा निकै मन पर्यो,” उपराष्ट्रपति पुनले भने, “सिनेमाले सम्पूर्ण नेपालीलाई एकतामा बाध्ने प्रयास पनि गरेको छ । खेलमा रुची राख्नेका लागि सिनेमा झन् विशेष छ ।”
पुनले भुवन केसी, शिव श्रेष्ठ, राजेश हमालको सिनेमा पहिला देखि नै हेर्दै आएको र आफ्नो लागि तिनै जना सुपरस्टार रहेको समेत बताए ।
विशेष शोमा बसेर चलचित्र हेरेका शिव श्रेष्ठले पनि क्याप्टेन राम्रो बनेको भन्दै अनमोल केसी र भुवन केसीको मेहनतको प्रसंसा गरे । “सिनेमा राम्रो बनेको छ, फुटबलको माध्यमबाट खेलाडीको कथा भनिएको छ,” उनले भने, “चलचित्रले राष्ट्रियता र फुटवलसँग हामीलाई जोड्छ ।”
फुटवलरको कथामा निर्माण भएको चलचित्र ‘क्याप्टेन’लाई दिवाकर भट्टराईले निर्देशन गरेका हुन् ।
